海綿

要好像海綿吸引智慧及經驗、在有限的時間內、若吸收得不夠多、面對要無限榨取時就乾涸了。

選擇困難之河口湖

睇到眼都就黎盲終於決定到河口湖既溫泉旅館了！！！

The Bucket List

尋日終於睇左一直好想睇既The Bucket List, 之前龔生介紹過之後都一直好想睇。前日咁巧合咁比我見到佢放左係CD Warehouse既第一排等我買返屋企睇。

龔生之前已經講過呢一套係講有關死亡既電影，但內容又唔會好嚴肅。

入面有一句問：如果可以知道自己幾時死，你想唔想知道? 有95%既人唔想知道。

如果我生命還有很長很長，知唔知幾時死又好似無乜用，但如果生命活得不長久，可以知道幾時死都唔錯，起碼係還在餘下的人生光陰叫自己唔好遺憾。

但生命的長短從不決定於人，無論你係億萬富翁定汽車技工生命只能活一次。

好想我這生命能夠榮耀主，活得有尊嚴及能做自己。

死亡真係一個直得思考及討論的話題。

命中注定

我們應否相信命中注定呢?

我相信。

我相信神係我地每個人既生命入面都注定左一D人或事總會給我們遇上，只不過遇上之後所產生的變化卻是由我們決定。
就如我認為在一生當中適合能成為伴侶的人不單單是一個，只是我們遇到後有否好好去珍惜及發展。如果太早遇上還未學懂珍惜與真愛，遇上了還是會失去。

但在你人生中學懂愛學懂珍惜後遇上的就能一起走完人生的路。雖然還未走過當然不知能不能完成，但至少有信心向這個目標走過去。

100%女孩說過，那個能100% match 自己的人如果太早遇上都終歸會失去或愛得傷痕累累。

時光機

同Andy一齊真係好好好幸福家，我要好好咁珍惜佢。
我好想坐時光機飛去未來睇下我地一齊生活好多年之後又係咪繼續咁幸福開心。
有咁大勇氣睇未來係因為我對呢段關係充滿信心。

以前我成希望個世界係假，係發夢既，當我醒返，所有事都無發生過，我認為所有事都不快樂，可以重頭來過多麼好。
但而家已經唔會咁諗喇，自從去完澳洲返黎，我覺得成個人好似變晒咁，變得有信心左，勇於面對挑戰，我好感謝主比我們呢個機會出去睇更多呢個世界。
最後，好想多謝主給我有機會認識Andy，可以同佢一直行以後既路。

幸福摩天輪

2015年1月8日，因為Andy要出ICC做野，佢就提議順面放工中環行街。
今個月好窮，仲擔心緊係中環食野怕好貴，但想去拍拖就出左去。
去到IFC，Andy就問我個摩天輪係邊，提議去睇下影下相。我當然好開心喇~
到左碼頭意外見到今日坐摩天輪既人唔多wor，咁Andy就帶左我去坐，邊拍照邊看風景慢慢享受這個時光。
我快樂是因為他記得一年前對我這份承諾，我想要比$100搭十幾分鐘摩天輪唔會有男人鍾意，但他說喜歡看到我開心就把我帶過來了。
他不會找藉口說找個時間來吧，是主動無聲就帶著我去我喜歡的地方，做著我喜歡的事。
他真是可愛極了 ^^